Құрметті Павлодар облысы әкімдігі ресми web-сайтының қонақтары!
2009 жылғы 26 желтоқсаннан Қазақстан Республикасының азаматтардың жеке өміріне қол сұғылмаушылық құқықтарын қорғау мәселелері жөніндегі Заңы күшіне енді. Осыған байланысты, көпшілік алдында сөйлеген сөзде немесе бұқаралық ақпарат құралдарында адамның жеке өмірі туралы, оның жеке және отбасы құпиясын құрайтын азаматтардың құқықтарына және заңды мүдделеріне нұқсан келтіретін мәліметтерді оның келісімінсіз таратуға тыйым салынады.
Иесі бүркемеленген өтініштер сондай-ақ қарауға жатпайды. Иесі бүркемеленген өтініш болып ол бойынша авторын белгілеу мүмкін емес, қолтаңбасы, оның ішінде электрондық цифрлық қолтаңбасы, арыз берушінің пошталық мекен-жайы жоқ өтініш табылады.
Жоғарыда аталған талаптар бұзылған жағдайда мұндай өтініштер оларды орналастыру құқығынсыз жойылады.
Осыған байланысты, толғантқан мәселелеріңіз бен сауалдарыңызды сындарлы және әдепті баяндауды өтінемін.
Құрметті Мейрам! Ағымдағы жылы осы жол бөлігінде, шақырым 140-148, 148-149, 149-166, 166-168, 168-173,4 (жалпы ұзындығы 32,8 шақырым), жабынның жоғарғы қабаттарын қалпына келтіру және кедір-бұдырлы үстіңгі өңдеу құрылғысымен орташа жөндеу жұмыстары орындалуда.
Сондай-ақ, шұңқыр жөндеу, жарықшаларды құю және жол белгілерін орнатумен ағымдық жөндеу жұмыстары орындалуда.
2011 жылы қаржыландыру шегінде орташа жөндеу жұмыстарын жалғастыру жоспарланған.
Құрметті Кенжеғали Қошқарбайұлы! Рахмет.Менің қабылдауым әр айдың үшінші дүйсенбісі өтеді. Ол үшін 8 (7182) 2-25-40 телефонына хабарласып, қабылдауға жазылуыңызға болады (110 кабинет).
ЖҚұрметті Бейбіт!Аймауытов ескерткішін орнатуға облыстық бюджеттен 2010 жылы қаражат қарастырылмаған.
Бірақ, қазіргі уақытта Ж.Аймауытов ескерткіші эскизін және оны Павлодар қаласында орнату орнын анықтау бойынша жұмыстар жүргізіліп жатыр.
Құрметті Меруерт Төлеубайқызы!
Басқарма Сіздің МәшҺүр Жүсіп Көпеев кесенесінен Жаңажол ауылына дейін автомобиль жолын салу туралы “Виртуалық қабылдау” облыс әкімінің ресми сайтына түскен үндеуіңізді қарастырып, мынаны хабарлайды.
Осы автомобиль жолы аудандық маңызы бар автомобиль жолының мәртебесіне ие, оның баланс ұстаушысы Баянауыл ауданының әкімдігі болып табылады.
Осы автожол учаскесінің құрылысына Баянауыл ауданының әкімдігімен 2007 жылы жобалау-сметалық құжаттама әзірленді, бірақ аудандық бюджетте қаражаттың шектелуіне байланысты осы жолдың құрылысы жүзеге асырылған жоқ.
Осыған байланысты басқармамен Қазақстан Республикасы Көлік және коммуникация министрлігінің Қаржы департаментімен бірлесіп осы автожол құрылысын республикалық бюджет қаражаты есебінен қаржыландырылатын 2011-2013 жылдарға арналған инвестициялық жобалар тізіміне енгізу бойынша жұмыс жүргізіледі.
Құрметті Баймурзина Б.Ж!
2009 жылдың 27 қарашасында 09 сағат 00 минутта жергілікті Майкайың полиция бөлімшесінің кезекші бөлімшесіне Майқайың кенті Ленин көшесі 51-үй 38-пәтерде орналасқан «Шұғала» дүкенінің иесі (Б.Ж. Баймурзиннің жұбайы) Молдаханова Сәуле Төлетайқызынан 2009 жылдың қараша айының 26-нан 27-не қараған түні белгісіз біреулер дүкенің қабырғасын тесу арқылы дүкенге кіріп, жалпы құны 8,455 теңге болатын азық-түлік пен 25.000 теңге ақша ұрлап кеткені жөнінде телефон арқылы хабарлама түсті.
Көрсетілген факті бойынша жедел іздестіру шаралары жүргізіліп, осы құжат бойынша Баянауыл аудандық ішкі істер бөлімінің тергеу бөлімшесінің Қазақстан Республикасының Қылмыстық Кодексінің 175-бабы 2 бөлімі «А,В» тармақтары – Ұрлық, яғни бөтен мүлікті жасырын түрде адамдар тобының алдын ала сөз байланысуы бойынша қоймаға заңсыз кіру арқылы жасалған ұрлық фактісі бойынша № 09553603100100 санды қылмыстық іс қозғалды.
Қазіргі таңда қылмыстық іс бойынша Майқайың полиция бөлімшесінің қызметкерлерінің күшімен тергеу жұмыстары жүргізіліп жатыр. Яғни, жоғарыда көрсетілген уақиға болған «Шұғыла» дүкеніне жақын маңда орналасқан дүкендер, үй-жайлардың тұрғындарынан жауап алынып, сонымен қатар бұрын қылмыстық жауапқа тартылған тұлғалар, қылмыс жасауға бейімді кәмелетке толмаған жасөспірімдер, Баянауыл аудандық ішкі істер бөлімінде есепте тұрған тұлғалар, осы фактіні көрген-білген тұлғаларды анықтау туралы жедел іздестіру шаралары және осы қылмысты жасаған тұлғаларды анықтап, оларды заңға сәйкес қылмыстық жауапқа тарту үшін жұмыстары жүргізіліп жатыр. Майқайың полиция бөлімшесінің қызметкерлерімен кент бойынша
орналасқан өндіріс орындарына, дүкендердің иелері мен қоғамға бағдар беріліп, түнгі уақытта профилактикалық шаралар, яғни қылмыстың алдын алу, қылмысты болдырмау мақсатында патрульдік рейдтер жүргізілуде.
Хатта көрсетілген басқа да фактілер бойынша полиция қызметкерлері табанды жұмыс жүргізуде.
і
Құрметті Шолпан Такукызы !
Сіздің облыс әкімінің ресми web-сайтындағы «Виртуалды қабылдауына» түскен немере қызыңыздың оқуын төлеуге көмек көрсету мәселесі бойынша өтінішіңізді қарастырып, келесіні хабарлаймыз.
Аудандық жұмыспен қамту және әлеуметтік бағдарламалар бөлімінің мәліметі бойынша Сіздің немере қызыңыз Мәдина Екібастұз қаласының Инновациялық Еуразиялық Университеті колледжінің 2 курсында оқиды. Оқу ақысы жылына 99,0 мың теңгені құрайды.
Сондай-ақ, Жаңатілек ауылдық округі әкімдігінің мәліметіне сай жеке аула шаруашылығыңызды есептей келе Сіздің отбасы аз қамтамасыз етілген отбасылар қатарына жатпайды.
Облыс әкімдігінің 2004 жылғы 4 маусымдағы «Аз қамтылған отбасыларынан және ата-ана қамқорлығынсыз қалған орта мектеп бітірушілеріне жоғары оқу орындарында оқуын төлеуге әлеуметтік көмек тағайындау» туралы №169/5 Қаулысына сәйкес берілген көмек мектеп түлектеріне біріңғай ұлттық тестілеу кезінде 45 және одан жоғары балл алған және мемлекеттік грантқа өтпеген түлектерге беріледі.
Жоғарыда айтылғандарға сәйкес Сіздің немере қызыңыз Мәдинаның колледждегі оқуын төлеуге көмек берудің еш заңды негізі жоқ.
