ТҚШ мәселелері

Мемлекеттік тұрғын үй қорынан берілетін тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке алу жөне кезекке қою, сондай-ақ жергілікті атқарушы органдардың тұрғын үй беру туралы шешім қабылдауы туралы ақпарат

 Қазақстан Республикасының «Тұрғын үй қатынастары туралы» Заңының 67-бабы 1-тармағына сәйкес мемлекеттік тұрғын үй қорынан тұрғын үйге мұқтаж азаматтарды есептеу келесі санаттар бойынша жүргізіледі:

  1. Мүгедектер және Ұлы Отан соғысына қатысушылар;
  2. Жетім балалар және ата-ананың қамқорлығысыз қалған балалар;
  3. «Алтын алқа», «Күміс алқа» алқаларымен наградталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен наградталған көпбалалы аналарға, көпбалалы отбасылар.
  4. Халықтың әлеуметтік осал топтары:

– Ұлы Отан Соғысына қатысушыға теңестірілген тұлғалар;

– 1 және 2 топ мүгедектері;

– мүгедек баласы бар немесе мүгедек баланы тәрбиелеп отырған отбасылар;

– Қазақстан Республикасының Үкіметі бекiтетiн аурулар тiзiмiнде аталған кейбiр созылмалы аурулардың ауыр түрлерiмен ауыратын адамдар;

– жасына қарай зейнет демалысына шыққан зейнеткерлер;

– оралмандар;

– экологиялық апаттың, табиғи және техногенді сипаттағы төтенше жағдайлар нәтижесінде тұрғын үйлерінен айырылған тұлғалар;

– толық емес отбасылар.

  1. Мемлекеттік қызметшілерге, бюджеттік ұйымдардың қызметкерлеріне, әскери қызметшілерге, ғарышкерлікке кандидаттарға, ғарышкерлерге, арнаулы мемлекеттік орган қызметкерлеріне және мемлекеттік сайланбалы қызмет атқаратын адамдар;
  2. Жалғыз тұрғын үйі авариялық жағдайда деп танылған азаматтар.

 

Есепке алу үшін құжаттар қабылдауды «Павлодар облысының халыққа қызмет көрсету орталығы» ММ-нің қалалық филиалдары жүргізеді.